Tulis sa mga kolektor abot na sa Barili
CEBU, Philippines – Nagpakitabang sa kapolisan sa Barili ang usa ka kolektor sa loading station human gitulis sa tulo ka tulisan samtang nangolekta sa national highway sa barangay Azucena pasado alas 3 sa nakalabay nga hapon.
Ang biktima giila nga si Federico Secop Reducto, Jr., 19, trabahante sa Star Darma Company ug kolektor sa Globe loading station.
Matud ni Police Officer 3 Mark Anthony Fat, desk officer sa Barili Police Station, nga samtang nangolekta ang biktima sa iya’ng kostumer kalit lang niabot ang duha ka motorsiklo nga may sakay tulo ka lalaki nga nag-bonnet ug nag-helmet.
Usa sa mga tulisan niduol sa biktima ug dayun tion sa wala matino nga armas ug nideklarar og tulis.
Nadala sa mga tulisan ang P12,000 nga kinolekta sa biktima ug ang duha ka cellphones ug dali nga nisibat paingon sa dakbayan sa Sugbo.
Sumala pa ni Fat nga lagmit dili taga Barili ug dayaw lang sa ila’ng lungsod ang mga tulisan.
Nagtuo si Fat nga sa madugay ug sa madali mag-abot ra gihapon ang ila’ng dalan ug sa mga polis sa Barili sa sakto’ng panahon sama sa nahitabo sa lungsod sa Balamban. – /GMR) (BANAT NEWS)
- Latest
