Kolektor gitulis sa Tipolo

CEBU, Philippines - Nawad-an sa koleksiyon ang collector nga gitulis sa duha ka armado’ng lalaki nga nagsakay og motorsiklo sa Tipolo, dakbayan sa Mandaue alas 2 pasado sa hapon niadto’ng Miyerkules.

Si Police Officer 2 Rusthy Bolotaulo sa Presinto 2 sa Mandaue City Police Office niila sa mga biktima nga sila si Rulynund Arado, 26 ug Charlito Jabil, 30, taga Camella Homes, dakbayan sa Talisay.

Gikan ang mga biktima nga nangolekta sa kustomer nga si Cherry Ann Capuno sa dalan Basubas, Tipolo.

Kalit lang gibabagan ang mga biktima sa laing motorsiklo nga giluwanan sa duha ka wala hiilhi’ng lalaki ug nition og armas dungan ang pagdeklarar og tulis. Nakuha sa mga tulisan ang kapin sa P15,000 nga salapi ug dali nga nipabulhot pahilayo sa mao’ng dapit. (BANAT NEWS)