Pagkaon sa Jollibee gibilin
CEBU, Philippines - Giuli sa mga sakop sa Investigation Detection and Management Bureau (IDMB) sa Mandaue City Police Office ang mga pagkaon sa Jollibee Worldwide Services Logistics (JWSL) nga giabandonar sa barangay Mantuyong alas 7 pasado sa niagi’ng gabii.
Si Senior Police Officer 4 Marcos Noval Jr., niingon nga naglakip sa mao’ng mga pagkaon nga nasakmit ang 245 ka Shanghai rolls, pito ka putos nga Asado Siopao, 20 ka putos nga Mang Inasal chicken, 11 ka putos nga Spaghetti sauce, 27 ka putos nga Pepper beef, 20 ka putos nga siomai, mga putos sa hotdog ug uban pa.
Ang mga pagkaon didto nakaplagi sa panimalay sa usa ka Felix Camotes Labis, 44, taga barangay Alang-Alang.
Usa ka kawani sa mao’ng kan-anan ang giingong nagbilin sa mga pagkaon hinungdan nga gireport sa kapolisan sa mga residente sa mao’ng lugar. (BANAT NEWS)
- Latest
