Nilayat sa barko missing

CEBU, Philippines - Padayung gipangita ang 32-anyos nga lalaki human giingong nilayat sa gisakyang barko gikan sa dakbayan sa Toledo paingon sa San Carlos City, Negros Occidental.

Giila ang lalaki nga si Anthony Yusores, taga barangay Cagay, Barili, kinsa paingon sa Iloilo kauban sa laing mga construction workers aron manarbaho.

Gibutyag sa mga kauban nga wala makatulog tibuok gabii si Yusores tungod sa problema.

Nahibulong na lang ang mga kauban nga nilayat kini sa barko ug gisuwayan sa pagluwas apan pipila ka oras ang nakalabay wala na makit-i.

Dali nga niresponde ang coast guard sa San Carlos City ug Bantay Dagat aron pagpangita sa lalaki apan napakyas. (BANAT NEWS)