Drug test sa CCPO aprubado
CEBU, Philippines – Dakong uyon ang officer in-charge sa Cebu City Police Office nga apilon sa surprise drug test ang kapulisan sa dakbayan.
Si Senior Superintendent Marciano Batiancela nga nahinabi sa Banat News miingon nga nagkasabot na sila ug ang City Office of Substance Abuse and Prevention (COSAP) sa Cebu City Hall nga mohimo og surprise drug test sa mga polis. Matud pa ni Batiancela nga kini usa ka maayong paagi sab aron mawala na ang pagduda sa mga katawhan sa mga polis nga giingon tiggamitan og shabu.
Sumala pa sa opisyal nga angayan lang nga himuon sa kapulisan ang drug test kay gani mihimo man sab og pag-drug test sa mga trabahante sa Cebu City Hall.
Kung duna’y mag positibo sa mga polis mibahad si Batiancela nga mag-atubang g’yud kini og saktong silot. “Polis ka unya magpositibo ka sa drug test, makatilaw g’yud na,” matud pa sa opisyal. – /EIM) (BANAT NEWS)
- Latest
