Akyat-bahay nadakpan
CEBU, Philippines - Nadakpan sa mga sakop sa Investigation Detection and Management Bureau (IDMB) sa Mandaue City Police Office (MCPO) ang gikatahapang notado’ng akyat-bahay sa dumpsite, barangay Umapad alas 12 pasado sa udto sa niagi’ng adlaw.
Si Senior Police Officer 4 Marcos Noval Jr., imbestigador sa IDMB sa MCPO, niingon nga nakadawat sila og tawag labot sa armado’ng mga lalaki.
Sa paghidangat sa kapolisan, usa sa mga suspek ang nakamatikod kanila ug niibot sa giluklok nga armas apan dali nga nagunitan ug nailog ang armas apan ang mga kauban dali nga nakasibat.
Ang nadakpan nailhan nga si Ian Artajo, 28, temporaryo’ng nagpuyo sa Palm Hills sa barangay Basak sa mao’ng dakbayan ug nasakmitan og kalibre .38 nga adunay unom ka bala.
Si Artajo ug ang nakasibat nga si Franci Hade Faracuellas alyas Buak, 27, giingong kauban sa mga pagpanglungkab sa mao’ng lugar.
Ang hepe sa IDMB, Chief Insp. Michael Anthony Bastes, niingon nga si Artajo nabilanggo na kaniadto sa kaso nga mga pagpanulis uban ni Faracuellas. (BANAT NEWS)
- Latest
