Amahan gikiha'g pagpanglugos
CEBU, Philippines - Gikiha ang 42-anyos nga amahan og kaso’ng pagpanglugos sa 17-anyos nga anak.
Wala’y piyansa nga girekomendar si Piskal Aurora Peñaflor batok sa akusado.
Ang biktima nipasangil nga una siya’ng gihilabtan sa amahan niadto’ng Mayo 3, 2012 sa alas 10 sa gabii pinaagi sa pagtabon sa iya’ng baba og panapton ug gigapos ang iya’ng mga kamot ug pisi.
Gisundan ang panghitabo niadto’ng Pebrero 22, 2013 sa alas 4 sa buntag samtang nagtupad siya ug iya’ng manghud sa pagkatulog.
Matud niya nga wala siya’y laing nahimo gawas sa paghilak kay ikaduha na kadto nga panghitabo.
Nisumbong siya sa iya’ng inahan apan wala’y gibuhat hinungdan nga ang iya’ng ate ang nagdala kaniya sa police station aron isumbong ang panghitabo.
Gimanduan ni Peñaflor sa pagduso og counter-affidavit ang akusado apan pakyas ug wala na sa iya’ng gipuy-an. (BANAT NEWS)
- Latest
