Skating ramp gisirad-an
CEBU, Philippines – Gipasirad-an ni Cebu City Mayor Michael Rama ang usa ka skating ramps nga nahimutang duol sa temporaryong V-Hire Terminal sa Compania Maritima dili layo sa Cebu City Hall.
Matud ni Rama nga nakita kini niya nga peligro kini sa mga skate boarders tungod kay semento kini, walay bisan unsa nga proteksyon ang mga nagduwa niini.
Nasuta usab ni City Administrator Lucelle Mercado nagpabayad og P35 kada usa ka tawo nga mogamit sa maong skating ramps ang nag-operate niini nga si Marslou Cristoria, kinsa nag-abang ra usab sa luna sa usa ka pribadong tawo sa maong dapit, apan wa kini business permit hinungdan nga temporaryong gipasirad-an.
Si Cristoria sa pakighinabi sa Banat News miingon nga niadtong tuig 2014 pa sila nagsugod og construct sa skating ramps gamit ang mga debris nga salin sa linog niadtong 2013, apan Mayo na ning tuiga sila nakasugod og operate. – /EIM) (BANAT NEWS)
- Latest
