Probinsya sa Sugbo mosaulog sa ika-446 anibersaryo
CEBU, Philippines - Pangulohan ni Bise Gobernador Agnes Magpale ang pagbukas sa ika-446th founding anniversary sa probinsiya karong Lunes Agosto 3 samtang atoa pa sa Japan si Gobernador Hilario Davide III. Si Davide gikatakdang molarga sa Tokyo, Japan aron motambong sa 10th Private-Public Partnership Forum.
Ang Kapitolyo nag-andam og mga kalihukan sud sa usa ka semana nga naglakip sa agri-fair, pagbukas sa Capitol Library mga art ug department exhibits, Wellness Day, “Bangga sa Katawa” ug “Bangga sa Kanta.”
Aduna say indigay sa pagsayaw, raffles, awarding sa sportsfest, Farmers Day, pagpirma sa Memorandum of Agreement (MOA) tali sa kagamhanan sa probinsiya ug Vicente Sotto Memorial Medical Center (VSMMC).
Sa Agosto 17 si Davide mopahigayon sa iyang State of the Province Address (SOPA) diha sa session hall sa legislative building sa alas 2:00 sa hapon.
Sa Agosto 19, Miyerkules ipahigayon ang Gabii sa Sugbo diha sa Capitol ground sa alas 6:00 sa gabii. (BANAT NEWS)
- Latest
