Kanhi CCPO OIC-director heneral na
CEBU, Philippines - Sa katapusan hingpit na nga nakuha sa kontrobersiyal nga opisyal ug kanhi direktor sa Cebu City Police Office nga si Conrad Capa ang ranggo nga “one star general” human nga gipirmahan ni Presidente Benigno Aquino III ang iyang promosyon niadtong nakalabay nga adlaw.
Si Capa ang kanhi deputy regional director for operations sa Police Regional Office-7 ug kanhi ‘sab officer in-charge sa Cebu City Police Office (CCPO).
Sa mensahe nga gipaabot ni Capa sa Banat News kini nagpasalamat sa tanan nga wala’y puas nga mituo ug misuporta kaniya.
Matud pa ni Capa nga dako ang iyang kalipay sa maayong balita nga iyang nadawat kay sa katapusan nahimo na siyang heneral.
“Extremely happy! Thanks to all of you who supported me all the way,” tipik sa text message ni Capa dinhi sa Banat News.
Human sa panerbisyo ni Capa sa PRO-7 ug CCPO kini gibalhin isip executive officer for Integrated Police Office (DIPO) Visayas.
Si Capa ang mihural atubangan ni Aquino diha sa Malacañang niadtong nakalabay nga buntag, usa ka adlaw human ang SONA sa pangulo sa nasud. Si Capa sakop sa PMA Class 1984 ug gikatakdang moretiro sunod tuig. (BANAT NEWS)
- Latest
