Terminal pay gikuhaan
CEBU, Philippines – Mga moretirong empleyado sa Kapitolyo nga duna pay wa mabayring cash advances makalingkawas lamang kun kuhaan ang ilang dawatonong terminal pay.
Si provincial treasurer, Emmanuel Guial mipasabot nga ang mga dunay mga unliquidated cash advances dili g’yud makaretiro hangtud di nila kini mabayran.
Matud ni Guial aduna pay mga kawani nga wala makompleto ang liquidation documents sama sa mga travel orders.
Ang Commission on Audit (COA) report ning bag-o lang miingon nga ang kagamhanan sa probinsiya adunay P9.1 milyones nga unliquidated cash advances sa mga opisyal ug kawani niadtong Disyembre 31, 2014. Nasayran usab sa COA nga 45 ka mga kawani ang nakaretiro bisan og wala pa kini maka-liquidate sa ilang mga cash advances nga mikabat tanan og P749,761.67.
Apan gipasabot ni Guial nga ang gikwestyong mga retirado gitugotang makaretiro kay gipangpuhalan nang daan sa ilang mga utang ang ilang dawatonon nga terminal pay. – /EIM) (BANAT NEWS)
- Latest
