Armas ug shabu nasakmit sa buy-bust
CEBU, Philippines – Usa ka kanhi construction worker ang nasikop sa kapolisan human masakmitan og 29 ka putos nga gidudahang shabu kagahapon sa kaadlawon sa Sitio Bisa, Brgy. Mactan dakbayan sa Lapu-Lapu.
Ang nadakpan mao si Ramil Cabando, 33, kinsa gidakop sulod sa iyahang giabangang kwarto atol sa buy-bust operation nga gihimo sa mga sakop sa City Anti-Illegal Drug Special Operations Task Group.
Matud ni Police Senior Inspector Verniño Noserale, hepe sa Lapu-Lapu City Police Office-City Intelligence Branch ug CAIDSOTG dunay nakahibalo kanila nga pirmeng adunay mga wala mailhing tawo nga mosud-gawas sa gipuy-an sa suspek.
Gibana-banang P40 mil ang kantidad sa mga nasakmit nga drugas gikan sa suspek, lakip usab sa nasakmit ang P480 nga gidudahang halin sa illegal nga drugas, usa ka way lisensyang .45 caliber pistol nga adunay walo ka bala ug ang P200 nga marked money sa operasyon. – /EIM) (BANAT NEWS)
- Latest
