Huwaw mobalik?

CEBU, Philippines – Gipahibawo sa Philippine Atmospheric, Geophysical and Astronomical Service Administration (PAGASA) nga mobalik ang ting-init sunod buwan.

Matud ni PAGASA-Mactan Director Oscar Tabada nga mokabat sa 33 degrees Celsius o mas taas pa ang kainiton nga masinati.

Gipasabot ni Tabada nga ang panahon nga kasamtangan nga nasinati karon above normal kini tungod sa nagpadayun nga El Niño.

Gibutyag ni Tabada nga padayung mosaka ang temperatura  sa init ilabi na sa dakbayan sa Sugbo. Magpabilin ang grabe’ng kainit gikan sa moderate hangtud na sa first quarter sunod tuig

Adunay pag-uwan-uwan sa hapon hangtud sa gabii sa Sugbo ug Central Visayas nga masinati apan below normal ang gidaghanon sa uwan.

Matud ni Tabada nga sa Disyembre hangtud sa una’ng kwarter sa 2016, hapon hangtud gabii adunay pag-uwan-uwan.

Awhag ni Tabada sa katawhan nga kanunay nga magpundo og tubig aron adunay igo nga pundo para sa sunod nga huwaw. (BANAT NEWS)