Search and Rescue Summit ipahigayun

CEBU, Philippines - Mopahigayun ang Provincial Disaster Risk Reduction and Management Office (PDRRMO) sa labing una’ng Search and Rescue (SAR) Summit karong Hulyo 29 hangtud 31. Si Baltazar Tribunalo, pangulo sa PDRRMO, nagkanayon nga gilauman nila nga sobra sa 500 ka Emergency Rescue Teams (ERT) sa mga Local Government Units (LGUs) ug Non-Government Organizations (NGOs) ang mosalmot.

Tumong sa summit ang pag-upgrade sa kakuwangan sa pagtubag sa emerhensiya.

Matud ni Tribunalo nga ang mga responders napaubos sa mga foreign trainings diin lainlain ang standards mao’ng buot sila nga magmugna og local guidelines atol sa summit. Si Tribunalo nanghinaut nga atol sa summit makit-an sa mga LGUs ang kakuwangan sa pagpangandam ug pagtubag sa mga emerhensiya.

Sunod buwan gikatakda ang inventory sa tanang organisasyon nga dunay ERT sa tibuok probinsiya. Komitido ang kapolisan ug kasundaluhan nga moapil sa capacity building.

Kagahapon nitambong sa press conference sa summit si Chief Inspector Marlon Gumabao sa Cebu Provincial Police Office, Supt. Camilo Ligayo sa Central Command, Lieutenant Ferdinand Montermoso sa Philippine Coast Guard; Dennis Cortes, operations unit head sa PDRRMO; Joy Hernandez sa Office of Civil Defense; Atty. Mark Tolentino, provincial administrator ug Senior Inspector Ethel Mangaha sa Bureau of Fire Protection-7. (Brenda D. Batuto/GMR)(BANAT NEWS)