Dugang Gabaldon building ayuhon

CEBU, Philippines – Nagpirmahay og kasabutan ang Ramon Aboitiz Foundation, Inc. ug mga lokal nga kagamhanan sa probinsiya sa Sugbo tumong sa pag-ayo sa mga karaan nga Gabaldon Building sa mga publiko’ng eskwelahan sa elementarya.

Kagahapon ang RAFI, kagamhanan sa probinsiya ug mga lokal nga kagamhanan sa lungsod sa Alegria, Bantayan, Madridejos, Carmen, Catmon ug Pinamungajan ang nakapirma na sa memorandum of agreement. Sa gasto, 40 porsiyento sa RAFI, 40 porsiyento usab sa Kapitolyo ug 20 porsiyento sa matag lungsod.

Sa nilabay’ng tuig nahuman ang pagpaayo sa mga Gabaldon Buldings sa Jampang Elementary School ug Sumaguan Elementary School sa lungsod sa Argao, Balud Elementary School ug Obong Elementary School sa Dalaguete ug Asturias Elementary School. – /GMR) (BANAT NEWS)