Mga barko sa Toledo kutob lang ugma
CEBU, Philippines – Kutob lang sa adlaw nga Huwebes ang normal nga biyahe sa tanang barko sa Lite Shipping Company nga nag-operate sa dakbayan sa Toledo paingon sa San Carlos City Negros Occidental nunot na sa pagtimaan sa Semana Santa.
Nasayran nga adunay dili momenos sa tulo ka biyahe sa Roll –on- Roll-off nga barko ang Lite Shipping Company matag adlaw.
Apan nianang adlawa, ipaubos sa recollection ang mga crew ug apprentice mates sa maong kompaniya sa pagbalaan sa Biyernes Santo.
Nasayran nga niadto pang adlaw’ng Domingo nagdasok ang daghang pasahero nga namauli paingon ug gikan sa San Carlos ug Toledo.
Aduna na usab gibutang nga public assistance desk ang kapulisan alang sa pagtubag sa kapulisan sa posibleng mahitabo.
Nagbutang usab og first aide area ang City Health office pinangulohan ni officer in charge Dr. Esperanza Canumay.
Samtang gipakatap na usab ang pwersa sa kapulisan sa Toledo City Public Bus Terminal diin adunay shifting ang duty police aron dili mabakante sa pagbantay sa terminal. – /EIM) (BANAT NEWS)
- Latest
