Brgy officials palimpyohon sa kanal
CEBU, Philippines - Giawhag ni Mayor Jonas Cortes ang mga opisyal sa 27 ka barangay sa dakbayan sa Mandaue sa pagpasiugda sa pagpanglimpiyo sa mga kanal niini’ng panahon sa ting-init.
Matud pa ni Cortes nga ang paghabwa sa mga nakabara nga sagbot sa mga kanal ang kabahin sa paagi nga kalikayan ang mga pagbaha panahon sa ting-uwan.
Si Cortes nakigtagbo na sa mga opisyal sa barangay ug iya’ng gipasabot ang kamahinungdanon sa pagpanglimpiyo sa mga kanal niini’ng panahon sa ting-init.
Dugang pa niya nga ang mga pagbaha panahon sa ting-uwan mao gyud ang nahimo’ng suliran sa dakbayan sa Mandaue tungod kay ang maong dapit mao man ang nahimo’ng han-ukan sa tubig gikan sa kabukiran nga naglakip na niini ang gikan sa ibabaw nga bahin sa dakbayan sa Sugbo.
Si Cortes niingon nga motakda usab siya og adlaw alang sa pagpahigayun og dinungan nga pagpanglimpiyo sa dagku’ng mga kanal sa dakbayan ug mogamit sila og mga heavy equipment nga maoy mohabwa sa mga sagbot. (BANAT NEWS)
- Latest
