Mga polis di magpalabi padako og tiyan
CEBU, Philippines - Mga dagko’g tiyan nga mga polis gipahinumduman sa officer-in-charge sa Philippine National Police nga si Police Deputy Director General Leonardo Espina nga mag-ehersisyo.
Matud pa ni Espina nga makauulaw sa usa ka polis nga mauwahi sa kriminal sa ginukdanay.
Matud pa niya nga kinahanglan nga magdisiplina sa kaugalingon ang polis sa pagkaon ug mipasiaw nga dili magpalabi kaon og kan-on.
“Kailangan nakakatakbo tayo ng mabilis…yung malalaki ang tiyan wa’g kayong malupit sa rice,” pasiaw pa ni Espina.
Samtang gipasidunggan ‘sab niya sa iyang pagbisita ang mga polis nga nakahatag og dungog sa kapolisan.
Siya mismo ang mitaod sa Medalya ng Kagalingan ni Sr. Insp. Eunil Avergonzado, PO3 Christopher Torregoza ug si PO2 Noah Añana sa Cebu City Anti-Illegal Drugs Special Operations Task Force.
Si SPO2 Dunhill Sarmiento, PO1 Louie Menchavez, ug si PO1 Jerome Abrasaldo sa Regional Special Operations Group ug sa Regional Intelligence Division-7.
Si Senior Insp. Genilo Veraque, hepe sa Station 3 sa Mandaue City Police Office, SPO2 Edmundo Belocura ug si PO1 Paulino Borja Jr. nakadawat usab og Medalya ng Kagalingan.
Nakadawat ‘sab og Medalya ng papuri si Sr. Insp. Alexander Nuñez, hepe sa Cordova Police Station ug sila si PO3 Geodorio ug si PO1 Mark Ronald Pacina. (BANAT NEWS)
- Latest
