Earth hour karong sabado

CEBU, Philippines – Gidasig ang tanang sektor ug kabalayan sa pagsalmot sa Earth Hour karong Sabado pinaagi sa pagpawong sa kuryente sulod sa usa ka oras tumong sa pagkonserba sa enerhiya.

Matud ni Department of Energy (DOE)-7 Director Antonio Labios nga natala sa Visayan Electric Company ang nakonserba sa niagi’ng tuig atol sa Earth Hour ang  2 megawatts ug 11MW sa 2013 ug 2.78MW sa 2012.

“We should be conscious in saving energy, to practice energy conservation measures,” matud niya. Si Department of Interior and Local Government Secretary Mar Roxas niluwat og direktiba sa local government units sa pagsuporta sa Earth Hour.

Gani ang kapolisan sa dakbayan sa Talisay nangandam na sa maong adlaw labi na nga ilang saulogon ang Talisay Landing kon Takas ugma’ng adlawa.

Matud ni Police Superintendent Germano Mallari, hepe sa Talisay City Police Station, nga bisan sa kakuwang sa iyang mga sakop, i-maximize gihapon alang sa police visibility ug roving beat patrols atol sa maong adlaw.

Giumol ni Mayor Johnny delos Reyes ang Barangay Intelligence Group (BIG) nga mga volunteers nga motabang sa kapolisan. Magdungan og pawong sa kuryente sugod sa alas 8:30 hangtud alas 9:30 sa gabii diin mo-siren usab ang mga fire trucks ug police cars singko minutos sa dili pa ug ighuman sa Earth Hour. – /GMR) (BANAT NEWS)