Hepe sa Talisay, Toledo girelibohan
CEBU, Philippines – Girelibohan sa katungdanan ang mga hepe sa kapolisan sa dakbayan sa Talisay ug Toledo.
Ang hepe sa Talisay City Police Station, Supt. Reycel Carmelo Dayon, gibalhin sa Provincial Public Safety Company sa Cebu Provincial Police Office.
Nihulip kaniya si Supt. Hermano Mallari, hepe sa Bogo City Police Station.
Ang paghulip kang Dayon nagagumikan sa iyang kapakyas sa pag-report sa Police Regional Police-7 dihang dunay mga langyaw nga gipamusil sa usa ka food chain sa dakbayan sa Talisay.
Samtang ang hepe sa Toledo City Police Station nga si Police Superintendent Ricky Delilis ang gikatakda nga ibalik sa CPPO sa wala pa masayri nga hinungdan.
Si Delilis nagserbisyo sa Toledo kapin pa lang sa unom ka buwan.
Si Police Superintendent Ali Baron nga gikan sa PPSC ang gikatakda nga ipuli sa pwesto ni Delilis.
Ugma’ng adlawa gikatakda ang turn-over ceremony sa dakbayan sa Toledo. – /GMR) (BANAT NEWS)
- Latest
