Binay misaad nga tabangang makabalik ang mga nasunogan
CEBU, Philippines – Personal nga gitunol ni Vice President Jejomar Binay uban ang iyang anak nga si Senator Nancy Binay ang mga hinabang alang sa residente sa Basak Pardo nga apektado sa sunog.
Gidungan paghatag ang hinabang ni Binay sa paghatag sa kagamhanan sa siyudad sa Sugbo og financial assistance.
Sigon pa ni Binay nga sa iyang pagbalik sa kaulohan pangitaan niya og paagi nga makatukod pagbalik ang mga nasunogan sa ilang mga panimalay.
Ang pangulo sa Department of Social Welfare and Services Ester Concha miingon, 10 mil alang sa hingpit nga naugdaw ang balay ug P5 mil sa nakan-an og kalayo ang balay. Nasayran nga nahatagan ang 290 ka pamilya sa hinabang. Matud ni Concha, ang Sitio Bamboo, Ulap ug Laguna ipaubos sa reblocking.
Gisabotan pa usab kun mohatag og tag napulo ka plywood ug sin ang matag pamilya ang siyudad. – /EIM) (BANAT NEWS)
- Latest
