Balay gilungkab

CEBU, Philippines – Nahanaw ang mga alahas ug mahalon nga mga butang sa usa ka panimalay nga gisaka sa wala mailhi’ng kawatan sa Clotilde Hills Subdivision, Dakit, dakbayan sa Bogo nga nadiskubrehan alas 4 pasado ang takna sa kadlawon kagahapon.

Si Police Officer 2 Alexander Mancao niila sa biktima nga si Theldo Pelayo de Lara, 45-anyos.

Matud ni Mancao nga wala’y tawo ang panimalay sa biktima ug sa pagpauli gikan sa dakbayan sa Sugbo mao’y pagkamatikod nga nagkatag na ang mga butang sulod sa panimalay niini.

Gitangtang sa mga kawatan ang bildo nga bintana sa panimalay sa biktima ug didto kini moagi ug gipanguha ang mga alahas nga P50,000, duha ka cellphone nga P10, 900 ang kantidad sa matag usa ug P500 nga salapi. – /GMR) (BANAT NEWS)