Mananagat naghikog
CEBU, Philippines – Patay na nga nadiskubrehan sulod sa lawak sa ilang panimalay ang 44-anyos nga lalaki nga gituohang naghikog pinaagi sa paghigot og pisi nga nylon sa iyang liog alas 3 pasado ang takna sa kadlawon sa sitio Camolinas, Poblacion, lungsod sa Cordova.
Si Senior Police Officer 1 Laurencio Wagwag sa Cordova Police Station miila sa namatay nga si Eduardo Casquejo Quijano, minyo nga usa ka mananagat. Matud ni Wagwag nga human sa panihapon niadto’ng Sabado sa gabii, gikainom pa sa namatay ang anak nga lalaki nga si Leonardo ug alas 11 pasado ang takna sa gabii nisulod kini sa ilang lawak ug nanirado.
Nahingangha na lang ang mga sakop sa pamilya diha’ng ilang nadiskubrehan nga patay na nga nagbitay si Eduardo.
Si Leonardo niingon nga kanunay lang magkalalis ang iya’ng inahan ug amahan tungod sa problema sa kalisud sa panginabuhi.
Nagtuo si Wagwag nga kini ang usa sa mga hinungdan nga ilang gituohan sa paghikog sa namatay. – /GMR) (BANAT NEWS)
- Latest
