Giagda’g kaon nasuko gidunggab
CEBU, Philippines – Nadunggaban sa uyoan ang iyang pag-umangkon human sa mainiton nga panaglalis alas 9 pasado ang takna sa niagi’ng gabii sa sitio Kulo, Curva, lungsod sa Medellin.
Si Senior Police Officer 1 Ryan Castro sa Medellin Police Station niila sa biktima nga si Joseph Pino, 23, ug ang nagdunggab mao si Dominador Pino, 59, pulos nagpuyo sa maong dapit.
Matud ni Castro nga nagluto sa ilang panihapon ang suspek ug diha’ng nangagda na kini sa ilang pagpangaon daw gikasuko sa biktima nga niresulta sa ilang panaglalis.
Dugang ni Castro nga taliwala sa mainiton nga panaglalis, ang suspek nga wala na makapugong sa iyang kapungot nakakuha og kutsilyo dayun dunggab sa dughan sa biktima.
Dali nga gidala ang biktima sa tambalanan samtang ang suspek nitahan sa kapolisan dala ang kutsilyo nga gigamit sa pagdunggab. – /GMR) (BANAT NEWS)
- Latest
