P2.5B proyekto sa sixto, lapu

CEBU, Philippines - Mokabat sa P2.5 bilyones nga kantidad sa mga proyekto ang napatuman sa Department of Public Works and Highways sa ika-unom nga distrito sa lalawigan sa Sugbo lakip na sa dakbayan sa Lapu-Lapu.

Matud ni Engr. Reynult Ricardo sa 6th Engineering District sa DPWH- 7, ang maong kantidad gipatuman usab sa dakbayan sa Mandaue ug mga lungsod sa Consolacion ug Cordova lakip ang P1.1 bilyones nga gigahin niadto’ng 2014.

Dugang P1.4 bilyones nga proyekto ang gipatuman nunot sa pagpangandam sa Asia Pacific Economic Cooperation (APEC) Summit sa Sugbo sunod tuig.

Ang mga proyekto gilangkuban sa pagpalambo sa kadalanan sa Cordova ug dakbayan sa Lapu-Lapu.

Nagpadayun usab ang mga proyekto sa pagpalambo sa kadalanan sa dakbayan sa Mandaue sama sa A.S, Fortuna, A.C. Cortes Avenue, H. Cortes Avenue, Don Gerardo Ouano Avenue Extension, M.L. Quezon Avenue ug uban pa.

Gipalambo usab ang kadalanan sa lungsod sa Consolacion lakip na sa mga kanal. (Romeo T. Limpangog/GMR)(BANAT NEWS)