Agianan problema sa Paknaan
CEBU, Philippines - Pabutangan og maagian sa mga residente panahon sa emerhensiya ang mga establesemento sa barangay Paknaan, dakbayan sa Mandaue.
Kini ang gitinguha ni barangay kapitan Malaquias Soco human sa nahitabo’ng sunog sa Zone Camanse, Zone Batong ug Zone Talong niadto’ng Martes sa hapon.
Matud ni Soco nga ang mga molupyo nga ang ilang mga panimalay nahimutang sa luyo nga bahin sa mga establesemento nagkabuang sa pagpangita og kaagian ug ang mga fire truck nagkinahanglan pa nga sumpay-sumpayon ang hose aron makaabot sa nagdilaab nga kayo.
Si Soco niingon nga nagtinguha sab sila nga kabutangan og dugang fire hydrants ang mga dapit nga daghang kabalayan aron dali nga magamit sa mga bombero panahon sa sunog.
Gitataw ni Soco nga nagkadaghan ang molupyo sa ilang barangay nga karon adunay 24 ka homeowners association nga naglakip sa 1,500 ka pamilya sa 6.5 ka ektaryang luna nga gihimong relocation site sa kagamhanan sa dakbayan. (BANAT NEWS)
- Latest
