Killers may deskripsyon na
CEBU, Philippines - Duha ka anggulo ang gisubay karon sa City Intelligence Branch sa nahitabong pagpusil patay sa usa ka kanhi polis sa Tres De Abril, Labangon niadtong nakalabay nga adlaw.
Gitug-an ni Superintendent Romeo Santander dili pa nila mabutyag kung unsa ang motibo ang ilang gisundan apan miingon nga duna’y duha ka kuha sa video sa close circuit television (CCTV) nga nasubay karon sa CIB. Matud niya duna na silay “description” sa duha ka suspetsado.
Nakaestorya na sab sa kapulisan ang pamilya sa biktima aron makatabang sa imbestigasyon aron matumbok ang motibo ug sa responsable sa krimen.
Si Roy Nudalo Tolentino, 41, kanhi polis sa Cebu City Police Office gipusil sa duha ka mga lalaking nagmotor. Napagan sa maong hitabo ang usa ka architecture intern nga si Jone Homeres, 22, nga padayon pa karong nagpaalim sa tambalanan. ((BANAT NEWS)
- Latest
