Konsehal Sitoy modagan sa Lapu-Lapu
CEBU, Philippines – Pila pa ka buwan una ang piniliay sunod tuig apan daghan na ang nipadayag sa ilang interes nga magpapili sa umaabot nga 2016 election.
Usa na niini ang igsuon nj Cordova Mayor Adelino Sitoy nga si Dr. Celedonio Sitoy kinsa magpapili sa pagka kongresista sa siyudad sa Lapu-Lapu.
Si Dr. Sitoy hingpit na nga mikanaog sa iyang mga katungdanan sa pagka barangay kapitan sa Barangay Gabi lungsod sa Cordova, ingon man ang iyang pagka-ABC President Cordova Chapter ug Board Member-Treasurer sa ABC Federation Provincial Chapter.
Matud niya, nakadesider siya nga mo-resign gumikan sa iyang tinguha nga modagan sa pagka-kongresista sa Lone District sa Lapu-Lapu.
Dugang ni Sitoy, inay si Mayor Sitoy ang modagan siya maoy gituboy gumikan sa mga kakulian sa lungsod.
Si Sitoy lumad nga taga siyudad sa Lapu-Lapu sud na kapin sa 40 ka tuig kini nga nagpuyo bisan pa man og nagserbisyo siya ngadto sa Lungsod sa Cordova.
Nakahan-ay na usab ang iyang lineup sa 2016. Si Engr. Rolando Patalinjug, kinsa unang higayon nga mosulod sa natad sa politika miingon modagan siya sa pagka mayor sa siyudad.
Ang grupo nila ni Sitoy ug Patalinjug gitawag og EPSA 2016 kon Elect Patalinjug-Sitoy-Amores sa 2016. – /EIM) (BANAT NEWS)
- Latest
