Namunal og tubo kasohan

CEBU, Philippines - Giandam sa kapolisan ang kaso’ng frustrated homicide batok sa namunal og tubo nga puthaw sa iyang kauban sa trabaho sa Bagalnga, Compostela sa niaging adlaw.

Ang suspek mao si Dante Rivera Aveluna, 44, taga Tayud, Consolacion samtang ang biktima mao si Manuelito Sotto Morales, 44.

Matud ni Senior Police Officer 2 Pedro Enriquez sa Compostela Police Station nga nagkalalis ang biktima ug ang suspek labot sa ilang trabaho.

Ang panaglalis nisangko sa pagpamunal sa suspek diha’ng napunitan ang tubo nga puthaw nga nakaingon sa grabe’ng bun-og nga naangkon sa biktima. (BANAT NEWS)