Panday hingulata gidunggab sa kapuyo
CEBU, Philippines - Nabuslot ang tiyan sa panday human dunggaba sa kapuyo sa sitio Bankal, Ibabao, lungsod sa Cordova alas 4 pasado ang takna sa hapon niadto’ng niagi’ng adlaw.
Si Senior Police Officer 1 Laurencio Wagwag sa Cordova Police Station niila sa biktima nga si Emilio Ando, 42, ug ang nakadunggab mao si Aida Gomez, 41.
Ang suspek nipasangil nga kanunay siya’ng kulatahon sa iyang kapuyo matag higayun sa ilang panag-away.
Sa niagi’ng adlaw, nahiagum na usab sa pagpangulata ug wala na kaagwanta ang suspek ug iya’ng nadunggaban sa kutsilyo ang biktima.
Si Ando nakaangkon og samad dinunggaban sa iyang tiyan ug dali nga gidala sa tambalanan.
Sigon pa ni Police Officer 3 Erwin Gedorio sa Cordova Police Station nga gihuwat pa nila ang biktima nga mopasaka og kaso batok sa suspek. (BANAT NEWS)
- Latest
