Half Rice Ordinance gitinguha sa Mandaue

CEBU, Philippines - Ang half rice order sa mga  kan-anan giduso diha sa Konseho sa dakbayan sa Mandaue.

Si Konsehal Jimmy Lumapas maoy chairman sa committee on market and agriculture maoy  nangamahan sa maong ordinansahon.

Matud ni Lumapas  nga ang Department of Agriculture (DA) nagpasiugda sa programa ubos sa “Be RICEponsible” nga gitumong aron dili usikan ang bugas.

Ang DA nangayo og tabang sa Department of Interior and Local Government (DILG) sa pagsuporta sa maong programa.

Kadtong di motuman sa ordinansa sa unang kalapasan pamultahon og P2,000,  sa ikaduha  P3,000 ug ang ikatulo mao ang pagbayad og  P5,000 nga multa.

Ang buhatan sa City  Health Office ang tahasan nga mosusi kun misanong ba ang mga kan-anan sa ordinansa. (BANAT NEWS)