60 ka sakong relief goods gikawat
CEBU, Philippines – Gilungkab ang butanganan og stocks nga mga relief goods sa Department of Social Welfare Development (DSWD) sa Bogo City niadtong miaging Sabado sa udto.
Ang mga suspek nga nasikop giila nga sila si Junrey Biñan Quindao, 23-anyos, ulitawo, Bumar Morales Torres, 28 ug usa ka 17-anyos.
Ang tulo pulos mga residente sa Sitio Alinsuob, Barangay Taytayan, Bogo City
Matud pa ni Police Officer 2 Leonides Pedrano Jr. sa Bogo Police Station nga nakahinabi sa Banat News 60 ka sako nga assorted relief goods ang nakuha sa mga suspek.
Gidudahan nga dugay na nila kining gibalik-balikan apan niadto lang Sabado sila nasakpan. Base sa imbestigasyon, nakasulod ang mga suspek sa abli nga glass window sa maong kwarto gamit ang usa ka hagdan.
Ang mga suspek pasakaan og kaso nga robbery samtang ang usa sa mga suspek nga menor de edad pa i-turn over sa kapolisan ang kustodiya sa DSWD. – /EIM) (BANAT NEWS)
- Latest
