2 ka ‘alimaong’ gidakop, 48 nailad

CEBU, Philippines – Gidakop sa kapolisan ang duha ka giingong sakop sa Supreme Council of Datus Alimaong (The Holy Warrior) kinsa nangilad sa 48 ka residente sa barangay Guadalupe, dakbayan sa Carcar.

Ang mga nadakpan naila nga sila si Laurencia Linao, 57, ug Teresita Tudtud, 58, pulos taga Kalubihan, Guadalupe, dakbayan sa Sugbo. Gikataho nga nangolekta ang mga suspek og tag P150 matag usa ka biktima isip membership fee apan wala’y gi-issue nga resibo ug nisaad nga makadawat ang mga biktima og tag P20 mil matag buwan.

Daghan ang nagduda nga ilegal ang gihimo sa mga suspek hinungdan nga gisumbong sa kapolisan.

Wala’y napakita nga mga dokumento ang mga suspek kinsa nagpaila nga mga sakop sa mao’ng grupo. – /GMR) (BANAT NEWS)