Bayot nabalian og kamot
CEBU, Philippines- Nasikop sa mga sakop sa Fuente Police ang duha ka bayot human nga ang usa kanila mibalikas ug miluwa sa polis samtang ang usa mitabang og bunlot kaniya aron dili madakpan sa miaging gabii diha Mango Avenue ning dakbayan sa Sugbo.
Ang nasikop naila nga sila si Jurevel Simeni, 18, taga Iligan ug si Vivencio Rocamora, 20, taga Zapatera.
Si Chief Inspector Wildemar Tiu nga nahinabi sa Banat News miingon nga mireklamo ang usa ka langyaw sa duha ka polis nga sakop sa beat patrol tungod kay naay duha ka bayot nga nagsige og sunodsunod kanila.
Dihang gibadlong gisyagitan hinuon sila si PO1 Berlino Ricafort ug si PO1 Ariel Nuñeza nga: “ buang ang mga polis sa Cebu City.” Tungod niini, ilang gidakop ang duha apan dihang giposasan na si Simeni giluwaan niya ang usa ka polis samtang gilabnot ‘sab ni Rocamora ang kamot ni Simeni hinungdan nga nalamba kini ug nabali ang kamot.
Si Rocamora gidala sa presinto samtang gidala sa Cebu City Medical Center si Simeni diin gisemento ang iyang kamot.
Pasakaan ang duha og kasong Direct Assault ug Disobedience to a Person in Authority ug dugang kaso kang Rocamora nga Obstruction of Justice. (BANAT NEWS)
- Latest
