E-Dalaw sa CPDRC

CEBU, Philippines - Mga piniriso sa Cebu Provincial Detention and Rehabilitation Center (CPDRC) tugotang makagamit og cellphone aron makatawag o maka-text ngadto sa ilang pamilya.

Ipatuman kini pinaagi sa E-Dalaw diin ang mga piniriso tugotan kining makatawag o maka-text sud lang sa usa ka minuto aron ilang makaestorya ang ilang mga pamilya.

Gihimo kini aron wala nay mopalusot og mga gadgets diha sulod sa prisohan nga nasakpan niadtong buwan sa Enero ning tuiga diin ubay-ubay nga cellphones ang nakompiska.

Ang CPDRC maoy moabaga sa load sa mga cellphones nga gamiton sa mga piniriso.

Dugang ni Toral nga kadtong mga priso nga buot mogamit sa cellphone pasakaon kini sa ilang buhatan sa taas aron adto makatawag o text apan higpit kini nga bantayan.  (BANAT NEWS)