Aljun palansaron pagka-kongresista
CEBU, Philippines - Palansaron sa pagka-kongresista sa ikatulo’ng distrito sa probinsiya sa Sugbo si Tuburan Mayor Democrito “Aljun” Diamante.
Kini ang tumong sa people’s initiative nga gilusad sa pipila ka kanhi ug kasamtangang mga opisyal sa kabarangayan sa distrito.
Matud ni kanhi kapitan Pascual Piloto sa Biasong, Balamban nga nasibot sila sa serbisyo ni Diamante sa taga Tuburan gamit ang personal nga kwarta sama sa pagbayad sa pasyente sa tambalanan.
Gihulagway usab ni konsehal Jojo Peñalosa sa Poblacion, Asturias nga dili tradisyonal nga politiko si Diamante.
Wala’y ikasaway ang grupo sa nahimo nilang kanhi kongresista Pablo John Garcia ug karon si Kongresista Gwendolyn Garcia.
Apan matud ni Piloto ug Peñalosa nga ila’ng nadunggan nga si Pablo John mag-mayor sa dakbayan sa Toledo samtang mobalik si Gwendolyn sa pagka-gobernador hinungdan nga si Diamante ang ila’ng gipangandoy nga mahimo’ng kongresista sa distrito. (BANAT NEWS)
- Latest
