Ahente gikandaduhan sud sa van
CEBU, Philippines - Mokabat sa P40 mil nga kantidad ang nasakiyo sa tulo ka armado’ng tulisan ug gikandaduhan sulod sa delivery van ang ahente sa sigarilyo nga gitulis sa barangay La Paz, dakbayan sa Bogo alas 2 pasado ang takna sa hapon niadto’ng Domingo.
Si Senior Police Officer 3 Oswaldo Layson sa Bogo City Police Station niila sa ahente nga si Junmar Koronel Sanchez, 28, taga Tipolo, dakbayan sa Mandaue.
Kauban sa biktima ang drayber nga si Elmer Pepito, 29, taga Kinawahan, San Remigio ug truck helper nga si Darwin Ochea Jugan, 20, taga Nailon, dakbayan sa Bogo.
Si Layson niingon nga gikan pa nangolekta ang biktima sa suki nga mga tindahan sa Polambato, Bogo kuyog sa iyang truck helper ug sa ilang pagbalik sa ilang sakyanan nga gi-parking sa atbang sa tindahan, kalit sila’ng gisugat sa tulo ka armadong lalaki ug nideklarar nga tulis.
Dihang gikuha na sa mga tulisan ang kuwarta, pugsanon kini’ng nimando sa tulo ka biktima sa pagsulod sa ilang delivery van ug gikandaduhan. (BANAT NEWS)
- Latest
