Nigerian nga bastos ipa-deport
CEBU, Philippines - Mipagawas og deportation order ang Bureau of Immigration batok sa usa ka Nigerian national nga misuway og paum-om sa iyang kinatawo sa usa ka 52-anyos nga opisyal sa kapolisan sud sa kasilyas sa usa ka mall dinhi sa dakbayan sa Sugbo.
Ang maong langyaw nga si Ghukmelie Ezeal kon Eze Lloyd Chukwuemelie (base sa iyang record sa BI) gipasakaan na usab og kaso nga slander ug gibasura ang kasong unjust vexation ug direct assault ni Cebu City Prosecutor Mary Ann Castro.
Matud pa ni Castro dunay kapasikaran ang pagsang-at sa kaso batok sa maong langyaw ug mirekomendar kini og piyansa nga P6 mil alang sa temporary niining kagawasan.
"Naalarma g’yud si Commissioner sa maong balita. That's why he issued a deportation order against the Nigerian national," matud pa ni BI-7 alien control officer Casimiro Madarang III.
Ang deportation order giisyu ni BI Commissioner Siegfred Mison ug gimandoan si Madarang nga ikostudiya ang maong langyaw.
Ang rason pagpa-deport kaniya kini tungod kay usa siya ka "risk to public interest" (undesirable alien).
"Ini’g human ana niya og piyansa, immediately kami na ang mopriso niya samtang padayon ang hearing sa iyang criminal case," matud pang Madarang.
Gawas pa niana, ibutang na sa watchlist ang maong Nigerian ug di na kini makagawas sa nasud hangtud nga di mahuman ang iyang kaso.
"Ang iyaha gyud pangalan kay Eze Lloyd Chukwuemelie. We have seen it sa among data base as well as sa iyang passport. Kasagaran di gyud ni mohatag sa ilang tinud-anay ang mga foreigners labi na madakpan, aron inig post nila og bail, maglisud mi og gukod nila kay lisud makit-an," pasabot pang Madarang. (BANAT NEWS)
- Latest
