Karambola sa walo ka sakyanan
CEBU, Philippines – Bumper to bumper ang trapik nga nahitabo sa Barangay Basak, siyudad Mandaue gumikan sa nahitabong aksidente sa kadalanan kagahapon sa buntag.
Ang hinungdan niini mao ang pagkarambola sa dalan sa walo ka mga sakyanan nga naglangkob sa usa ka truck de karga, delivery van ug usa ka de pasaheroan nga multicab nga dunay rotang Danao-SM. Base sa imbestigasyon sa Traffic Management Unit sa Mandaue City Police Office ang truck de karga nga dunay plakang GCE 657 nga iya sa Cenapro gikatahong nawagtangan og brakes hinungdan nga nadumbolan niini ang multicab nga miresulta sa pagkarambola sa mga sakyanan.
Matud sa driver sa trak nga si Gerardo Pepito, paingon sila sa pier aron magkarga og mga uling, samtang sila nagdagan nawad-an kini og brakes hinungdan nga naharos niini og dumbol ang naa sa atubangan.
Ang multicab nga gidumbolan sa truck dunay karga mga pasahero nga naangol human sa panghitabo.
Gidala sa tambalanan sila si Minot Arnoco, Felicidad Soliano, Roy Olinares ug Jeremiah Labalan. – /EIM) (BANAT NEWS)
- Latest
