Nagsuyop nagdinaganay, duha nadakpan

CEBU, Philippines – Nagdinaganay ang grupo sa kalalakin-an nga nagsuyop og shabu sa abandonado’ng balay sa barangay Dapitan, lungsod sa Cordova  diha’ng gironda sa kapolisan alas 10 pasado ang takna kagahapon sa buntag apan duha kanila ang nadakpan.

Si Senior Police Officer 1 Laurencio Wagwag sa Cordova Police Station niila sa nadakpan nga si Ferdie Tecson, 46-anyos ug Bernabe Torregosa Jr., 44-anyos, pulos minyo nga nagpuyo sa maong dapit.

Matud ni Wagwag nga ang mga kauban sa mga dinakpan nga nagsuyop og shabu ang dali nga nakapanagan agi sa luyo’ng pultahan sa maong panimalay.

Ang mga nadakpan ang wala dayun nakalihok sa pagdagan ug dali nga nagunitan sa kapolisan ug napusasan.

Nakuha ang mga drug paraphernalia ug plastic nga may lama pa sa shabu ug uban pa. – /GMR) (BANAT NEWS)