Pusher sikop sa Lapu-Lapu, Bogo
CEBU, Philippines – Nasikop sa kapolisan ang 30-anyos nga lalaki ug nakuhaan og ilegal nga drugas sa sitio Datag, Maribago, dakbayan sa Lapu-Lapu alas 9 sa gabii niadto’ng Sabado.
Usa ka buy-bust operation ang gipahigayun sa kapolisan sa Mactan Police Station 2 ug nakuha gikan kang Hedrich Taghoy, taga sitio Looc, ang duha ka gagmay’ng pakete ug usa ka medium size sa shabu.
Gawas sa shabu, na-recover sa kapolisan ang P200 nga marked money ug laing P200 nga gituohang halin sa transaksiyon ni Taghoy.
Natanggong sa Lapu-Lapu City detention cell alang sa pagpasaka sa tukma’ng kaso.
Samtang nasikop sa kapolisan ang gikatahapa’ng pusher og shabu sa buy-bust operation nga gihimo alas 11 pasado ang takna sa buntag niadto’ng Domingo sa Gairan, dakbayan sa Bogo.
Si Police Officer 3 Alexander Isnani sa Bogo City Police Station niila sa nadakpan nga si Virgilio Dignos Suico, 42-anyos, minyo nga nagpuyo sa maong dapit.
Matud ni Isnani nga pipila ka adlaw lang ang ilang pagpaniid sa ilegal nga kalihukan sa suspek.
Usa ka polis ang gihimo’ng poseur buyer sa pagpalit og shabu ug human gitunol ang duha ka pakete ug gidawat ang bayad, dali’ng gigunitan ang suspek ug nasikop. – /GMR) (BANAT NEWS)
- Latest
