Komprador og baboy gibuk-an sa ulo
CEBU, Philippines - Gumikan sa selos gibuk-an sa ulo ang usa ka komprador og baboy sa barangay Bonbon, lungsod sa Oslob niadto’ng nakalabay nga kadlawon.
Ang biktima naila nga si Segundo Espano, 40, taga sitio Cabadiangan, barangay Manlum sa maong lungsod samtang ang suspek naila nga si Rosky Teleron, 32, taga Aloguinsan apan nagpuyo sa Bonbon, Oslob.
Matud ni PO1 Sherwin Cejudo, desk officer sa Oslob Police, nga nasuko ang suspek sa biktima gumikan sa kasuod sa iyang kapuyo nga si Darin.
Samad pinusilan sa ulo ug dughan ang naangkon sa biktima nga gituohang gibirahan samtang natulog gamit ang wala pa matino nga kalibre sa armas.
Si Teleron ang gitumbok nga suspek human kini nilayas sa lugar.
Sa pagsusi sa kapolisan sa gipuy-an ni Teleron, gihatag sab sa kapuyo ang usa ka gamay nga bag nga may sulod pito ka bala sa .38 revolver. (BANAT NEWS)
- Latest
