Lolo’g lola gilabnihan

CEBU, Philippines - Mokabat sa P8 mil nga kantidad ang salapi ang nahanaw sa magtiayon nga Senior Citizen nga pasahero sa habal-habal human gilabni ang ilang shoulder bag sa usa ka minor de edad diha sa Barangay Pulpogan, Lungsod sa Consolacion.

Si Police Officer One Gypsy Miro sa Consolacion Police Station miila sa magtiayon nga mao sila si Saturnina, 75, ug Alipio Querobin  Balaba, 80, pulos nagpuyo sa maong dapit.

Ang suspetsado nga nailhan apan gipugngan ang pangalan nag-edad palang og 16-anyos . Nadakpan kini sa follow up operation apan ang bag na lang ang nabawi  ug nahanaw na ang salapi nga sulod niini.

Ang maong minor de edad misuot-suot sa daghang kabalayan sa maong lugar maong wa na gukda sa magtiayon ug midiretso na lang sila sa mga polis.  (BANAT NEWS)