Power outage imbestigahon
CEBU, Philippines - Mohimo og imbestigasyon ang Department of Energy kabahin sa nahitabong taas kaayo nga power outage kagahapon sa kaadlawon sa Central Visayas ug Eastern Visayas.
Ang mga lugar nga nawad-an og kuryente naglakip sa daghang bahin sa Cebu, Bohol, Leyte ug Samar gikan ala 1:45 a.m. wa hinuon maapil ang Negros Oriental.
Sa online advisory sa National Grid Corporation of the Philippines sila mipahibalo nga nabalik ang power transmission sa Visayas alas- 9:09 na sa buntag kagahapon.
“Restoration activities immediately started in the affected islands. Investigation and analysis of the root cause of the loss of power is ongoing,” sumala pa sa NGCP.
Si Engineer Rey Maleza sa DOE-Visayas kinsa mao ang supervisor sa Energy Industry Management Division, miingon nga ang pagkawagtang sa kuryente posibleng epekto kini sa “system disturbance.”
Sumala pa niya giingong dunay giusab sa system sa Tongoan Geothermal Plant sa Leyte nga miresulta sa power loss. Tungod niini, napawong ang kuryente sa Kabisay-an. Giklaro usab ni Maleza nga dili ang kakuwang sa supply sa kuryente ang hinungdan sa power outage kagahapon tungod kay nianang mga orasa (kaadlawon) menus kaayo ang migamit og kuryente.
Ang Bohol ug Leyte-Samar areas matud pa ni Maleza maoy nakasinati og total blackout samtang partial sa Cebu, sa pagkakaron nabalik na sa normal ang supply sa kuryente sa Metro Cebu. (BANAT NEWS)
- Latest
