16 nga kolorum gisikop sa SRP

CEBU, Philippines – Nakadakop ang Cebu City Traffic Operations Management og 16 ka mga drayber nga nag-operate og kolorum nga namasahero sa South Road Properties (SRP).

Matud ni Jonathan Tumulak, operations chief sa CITOM, nga kadaghanan sa mga nadakpan giisyuhan og citation tickets alang sa violation nga overloading. Mao lang kini ang ilang mahimo tungod kay dili sila makaisyu og citation ticket sa kolorum, maong mihangyo sila sa Land Transportation Office (LTO) ug Land Transportation Franchising & Regulatory Board tabangan sila pagdakop niini. Ubos sa Joint Administrative Order 2014-01 sa LTO ug LTFRB, ang mga kolorum nga multicab adunay multa nga P50,000.

Ang operasyon sa CITOM nagsugod niadtong Enero  27 hangtod sa January 31 ug mibalik sa February 4 hangtod sa February 13. – /EIM) (BANAT NEWS)