Nakainom napunggit patay
CEBU, Philippines – Patay ang usa ka lalaki human nabanggaan sa usa ka pick-up sa paglabang niini sa dalan diha sa sitio Taboc, Barangay Maslog sa dakbayan sa Danao.
Ang namatay naila nga si Manny Mayol, samtang ang drayber sa pick-up naila nga si Carlos Estrera, 31, taga Marangog, Bogo City.
Si Police Officer 1 Joseph Alledon, traffic investigator, nga nahinabi sa Banat News miingon nga nakainom ang biktima niadtong higayona ug padung unta mopalit og sigarilyo sa atbang. Matud pa nga si Mayol gikan mitambong og Juniors-Seniors Prom ug nakainom nang daan pag-uli sa ila diin nagtiwas og inom sa mga higala. Pag-abot sa mga paramedics sa maong dapit patay na ang biktima samtang mitahan sa mga polis ang drayber sa maong pick-up.
Si Alledon miingon nga wala makabantay ang drayber sa pick-up nga dunay tawo nga milabang tungod sa kasuwaw sa suga sa multicab nga gikasugat niini. – /EIM) (BANAT NEWS)
- Latest
