LGBT magmartsa sa Mandaue
CEBU, Philippines – Magmartsa sa kadalanan ang mga gitawag og LGBT nga mao ang lesbian, gay, bisexual ug transgender sa dakbayan sa Mandaue.
Kini isip pagpakita sa ilang pagsuporta sa ordinansahon alang sa hingpit na gyud nga pagsagop ug pag-ila kanila nga sakop sa katilingban.
Si Roger Paller, public information officer (PIO) sa dakbayan, niingon nga ubos sa maong ordinansahon nga gipangamahanan ni Konsehal Demetrio Cortes, hatagan og patas nga kahigayunan ang mga babayen-on sama sa tinuod nga mga babaye.
Una na’ng gihatagan og pag-ila ang mga LGBT sa barangay Subangdaku pinaagi sa pagpahimo ni Kapitan Ernie Manatad sa “rainbow pedestrian lane”
Ang rainbow pedestration lane gisubhan sa niaging buwan ug gitambongan ni Mayor Jonas Cortes.
Matud sa mayor nga haum kaayo ang barangay Subangdaku nga nag-una sa pag-ila sa LGBT isip sakop sa katilingban. – /GMR) (BANAT NEWS)
- Latest
