Kolurom sa SRP protektado’g polis
CEBU, Philippines – Nakadakop ang Cebu City Traffic Operations Management (CITOM) og tulo ka mga drayber nga giingong nag-drive og kolorum nga sakyanan nga nagdagan sa rota sa South Road Properties.
Matud ni Vice Mayor Edgardo Labella nga mao kini ang gi-report ni CITOM operations chief Jonathan Tumulak sa Police Coordinating and Advisory Council (PCAC) meeting kagahapon.
Si Labella kinsa pangulo sa PCAC miingon nga ang mga nadakpan mitug-an nga usa ka PO3 Gregorio Comaingking sa Mobile Patrol Group ang nagtugot kanila nga mamasahero sa SRP bugti sa bayad.
Matud ni Labella ilegal kini tungod kay walay prangkisa ug rota ang SRP, sumala pa nga P10 ang plete gikan sa Senior Citizen’s Park hangtud sa Kasadya sa SRP o sa Talisay City.
Imbitahan sa PCAC ang hepe sa MPG nga si Senior Superintendent Artemio Ricabo lakip ang sakop niini aron klarohon ang maong isyu.
Si Comaingking mihimakak sa pasangil kay matud niya wa siya’y awtoridad pagtugot kanila nga makapamasahero.
Kini midugang nga duna na silay gidakop niadtong Biyernes nga kolumrom ug giisyuhan nila og citation ticket. – /EIM) (BANAT NEWS)
- Latest
