Unang BAC sa CCMC paesplikahon

CEBU, Philippines - Buot nga ipatawag ni Cebu City Council Eugenio Gabuya Jr. sa usa ka executive session ang gibungkag nga unang Bids and Awards Committee kon BAC nga maoy nag-bidding sa katukoran sa bag-ong Cebu City Medical Center.

Ang unang BAC gipangulohan ni City Engineer Jose Marie Poblete ug gusto ni Gabuya nga mosumitir sa tanang dokumento sa bidding mahitungod sa maong napakyas nga bidding sa CCMC.

Buot ni Gabuya nga matan-aw kun unsay rason ni Mayor Michael Rama nga gideklarar nga ‘failure’ ang maong bidding nga diin ang migawas nga lowest bidder mao ang WTG/Ureta Construction.

Si Gabuya sa iyang privilege speech miingon nga dunay mga nangutana kaniya kun kanus-a matukod pagbalik ang CCMC, apan nasubo siya tungod kay sumpayan kini og pagsaway sa tawong nangutana.

Matud niya napun-an pa g’yud kini og nakapauwaw kaniya isip konsehal sa siyudad ang migawas nga balita nga gikaon og ilaga ang minatay sa temporaryong morgue sa CCMC. (BANAT NEWS)