SWAT Toledo gidugangan og sakop

CEBU, Philippines – Nadugangan og bag-ong miyembro ang Special Weapon And Tactics o SWAT team ang dakbayan sa Toledo.

Ang lima ka nadugang nga pwersa sa TCPS-SWAT, bag-ohay pang nahuman sa 45 ka adlaw nga pagbansay-bansay.

Kini gilangkuban nila ni Police Officer 3 John Ricafort, PO2 Aldrin Alqueza, PO2 Jeffrey Caburnay, PO1 Emmanuel Aragon ug PO1 Johnril Pili.

Matud ni Police Senior Inspector George Macapobre nga naghuwat na lang sila sa mando sa ilang labaw kun asa i-destino ang nadugang nga miyembro. Nasayran nga aduna lamang walo ka mga sakop ang SWAT nga nakabase sa Toledo.

Apan bisan sa kagamay sa ilang pwersa, ang mga opisyal sa kapolisan miingon nga dako na kini nga kalamboan sa han-ay sa kapulisan sa dakbayan. – /EIM) (BANAT NEWS)